Patay ang 78 anyos nga si Aurelio Artus matapos mabungguan sang salakyan kahapon sa highway sa Barangay Damgo banwa sang EB Magalona.
Suno sa traffic investigator, nagtabok lang gikan sa iya nga balay nga yara sa kilid lang sang dalan ang biktima sang siya ang mabungguan sang salakyan.
Suno sa pnp, yara sa kurbada ang amo nga bahin sang dalan kag madasig man ang pagpadalagan sang driver. Nagtinguha pa ini mag pondo suno sa pulis apang nalab-ot gid si Artus.
Na ospital man ang driver nga nasamaran man bangud sang pag bunggo.