Nagatabok sa dalan ang senior citizen sa Purok Pahu, Barangay Alijis sa siudad sang Bacolod sang siya ang nabungguan sang motorsiklo nga padulong sa norte sang Circumferential Road, Domingo sang aga.
Bangud sang impact, nagtabog ang pedestrian sa pihak nga lane, nalampos ang iya ulo sa semento kag nalapakan sang pang-una nga goma sang fuel tanker nga nagapadulong sur sang dalan.
Ginbawian sang kabuhi ang pedestrian sa ospital, samtang pilason naman ang lalaki nga driver sang motorsiklo kag ang iya asawa nga angkas niya.
Naga-trabaho bilang panday kag nagapanakod sang tiles ang napatay nga senior citizen.