Isa ka 67-anyos nga lalaki ang nasapwan na lamang nga nagalutaw-lutaw sa suba sang Sitio Marikudo, Barangay Camang-Camang sa banwa sang Isabela, Miyerkules sang gab-i.
Sa report sang PNP, duha ka mga persona ang nagpadulong sa suba agud kuntani mangisda sang ila nakit-an ang bangkay sa suba.
Gindala ang biktima sa ospital apang ini ang gindeklarar nga dead on arrival.
Ginsiling ni Police Major Joseph Partidas, hepe sang Isabela PNP, may mga minor injuries ang lawas sang biktima, nga isa ka mangunguma apang indi pa nila mapat-od kun ini tuga sang pagkahulog sa suba ukon pagkabunggo sini sa mga bato.
“Although ang family wala man ya sang any complain or pronouncement nga may kontra na siya.. gina-determine namon if naligo ni siya or aksidente ni siya nga nahulog o permi na siya didto kay ang family kagab-i, wala pa ma-initiate nga ma-interview sang aton imbestigador”, suno kay Partidas.