Patay ang senior citizen matapos malumos sa Silliman Beach, Brgy. Bantayan, Dumaguete City, Negros Oriental mga las sais sang aga kahapon.
Ang biktima isa ka 75 anyos nga residente sang Brgy. Boloc-boloc, Sibulan, Negros Oriental.
Suno sa mga saksi, kaupod sang biktima ang iya nga anak nga naga langoy sa dagat sang hinali na lang nalumos ang biktima, ginhingagaw pa siya dala sa ospital pero gindeklarar nga patay na sang mag abot didto.
Samtang patay ang 11 ka tuig nga estudyante nga lalaki sang nalumos sa Purok Sea Wall, Brgy. Punta Taytay, Bacolod City, kahapon sang hapon.
Suno kay Police Cpt. Michael Tuburan, hepe sang Police Station 9, may duha pa ka upod nga lalaki ang biktima nga nagpaligo sa baybay.
Ang biktima nga si Alyas Toto ang residente sang Brgy. Tangub, Bacolod City.
Wala na gindala sa hospital ang biktima kag gin deretso na lang sa punerarya bangud wala na ini ma revive.