Patay ang senior citizen nga si Samuel Melanio, 65 anyos matapos nga ginbuno sang gina-alegar hubog nga suspek sa covered court sa Brgy. Linao syudad sang Kabankalan sang weekend.
Ang suspek ginkilala sa kay Ramil Tolog, 26-anyos.
Suno sa kay Police Lt. Col. John Joel Batusbatusan, ang hepe sang Kabankalan City PNP, nagaselebrar sang kadalag-an sa liga sa nasambit nga lugar tubtub nga nagluntad ang komosyon sa tunga sang biktima kag suspek.
Sandig man sa ila nga imbestigasyon nga nakainom ang suspek kag hinali na lang sini nga ginbuno ang biktima sa tiyan rason sang iya nga kamatayon.
Sa karon at large pa ang suspek kag posible nga mapasakaan sang kaso nga murder.