Posible nga apat na ka adlaw nga patay suno sa PNP sang makita kahapon ang bangkay sang 17 anyos nga lalaki sa banglid sa kilid sang dalan sa Barangay Magballo siyudad sang Kabankalan.
Suno sa pulis, Oktubre 8 sang mag halin sa ila nga balay ang menor de edad dala ang motorsiklo sang iya amay. Oktubre 17 sang ulihi siya makita kag ang motor sa kilid sang dalan.
Nasapwan na lang kahapon ang iya bangkay nga yara na sa state of decomposition.
Ginahibalo pa sang PNP kun may foul play sa kamatayon sang biktima kag gin paidalom pa sa autopsy ang iya bangkay.
Samtang, nasapwan man kahapon sa baybayon sa Barangay Nauhang sa Sipalay ang bangkay sang 79 anyos nga si Francisco Veragara nga gina patihan nalumos sang ini ang mag paligo sa baybay sang Miyerkules.