Mistaken identity amo ang gina tan-aw karon nga angulo sang PNP sa pagpatay 74 anyos nga i Narciso David sa BArangay 5 sa Isabela kagab-i.
Sa imbestigasyon sang PNP, may nag pankuktok nga mga persona sa balay ni David kag gin pangita ang iya sini umagad.
Bangud sa madulom, ila na lang gilayon gin tiro sang makapila ka beses si David nga nag resulta sa iya kamatayon.
Suno sa pulis, nag pakig angut na sa PNP ang umagad sang biktima kag nag siling nga mahimo siya gid man amo ang target sang mga armado bangud sa naga baton man ini sang pag pamahog.
Padayon ang imbestigasyon sang PNP sa karon.