Nagpasar sang resolution kahapon si Senator Risa Hontiveros agud mag patigayon sang senate investigation angut 174 hectare Smart City Reclamation Project sa siudad sang Dumaguete.
Sandig sa resolution, kinahanglan sang urgent nga pag imbestigar sa nasambit nga proyekto kag sa mangin epekto sini sa palibot kag komunidad.
Nasaad sa resolution ni Hontiveros ang pahayag sang Philippine Association of Marine Science nga magahatag ini sang dako nga halit sa marine environment kag maga apekto man sa food security kag palangabuhian sang masobra 900 ka mga mananagat.
Isa pa sa kwestyonable sa sini nga proyekto suno sa resolution sang senador, ang E.M. Cuerpo Incorporated nga amo ang maga himo sang proyekto bangud wala man ini sang record na reclamation work kag posible dummy lang ini sang isa ka Chinese-state owned company.
Pero bisan pa sang madamo nga kwestyon kag pamalabag sa pila ka mga grupo, padayon man ang pag sugilanon ni Dumaguete City Mayor Felipe Remollo sa mga stakeholders.
Sang Miyerkules siya ang nakig sapol sa mga business owners kag iya gin pahayag ang mangin benepisyo naman sang sini nga proyekto sa kadam-an ilabi na sa mga wala smag trabaho.