Aprubado na sa Committee on Public Services sa Senado ang House Bill 9805 ukon paghatag prangkisa sa Negros Electric Power Corporation ukon NEPC.
Sa tunga gina batyag nga epekto sang El Niño Phenomenon, nag-sponsor sang local bills si Sen. Grace Poe para mahatagan sang legislative franchises ang mga power distribution utilities sa probinsiya sang Leyte, Romblon, kag Negros Occidental.
Sang Lunes ginduso ni Poe, ang chairperson sang Committee on Public Services ang approval sang House Bill Nos. 6295, 9154 kag 9805 sa plenary session.
Ini nga mga prangkisa ang para sa Leyte II Electric Cooperative (LEYECO II), Romblon Electric Cooperative (ROMELCO), kag NEPC.
Suno kay Sen. Poe, ini na ang husto ang tion para i-present ang mga measures agud masiguro ang access sang mga kunsumidor sa barato, masaligan kag sustainable energy ilabi na sa malapnagon nga brownouts sa pungsod.