Negrense Senator Juan Muigel Zubiri nagsiling nga siya nag maga bulig sa pag files ang supplemental budget bilang assistance para sa mga lugar nga nahalitan ni Bagyo Odette lakip na ang Negros Occidental.
Damlag pa nagbisita man si Presidente Rodrigo Duterte sa southern Negros kun sa diin iya ginsiling sa mga opisyales nga siya ang maga pangita sang pondo bilang bulig sa mga lugar nga nahalitan.
Suno kay Zubiri mahimo nga sa liwat nga pagbukas sang Kongreso sa Enero ini ang matalakay ilabi na nga kinahanglanon ang bulig para sa rehabilitation.
Personal man nga nagbulig si Zubiri sa Negros Occidental kun sa diin siya ang nag turn-over sang 200 ka sako sang bugas para sa probinsya, tig 100 ka sako naman para sa Kabankalan kag Bacolod, 30 sa Sipalay kag 20 sa Ilog.
Suno kay Zubiri siya man ang maga pakig-angut sa pamuno sang National Electrification Administration nga kun pwede ang mga electric cooperatives nga wala naapektuhan sang bagyo maka augment sa personnel sa apektado nga electric cooperatives sa Negros Occidental.
Ini matapos ginpadangat ni Governor Eugenio Jose Lacson ini sa iya nga atensyon labi na nga apektado ang suply sang tubig kag komunikasyon tuga man sang kakulang sang suply sang kuryente.
Suno kay Provincial Administrator Rayfrando Diaz fully restored na ang kuryente sa norte nga bahin sang Negros ang may kabudlayan na lamang ang sa sur.