Senator Juan Miguel Migz Zubiri luyag mapat-ud ang assignment kag pondo sang tagsa ka departamento sa Negros Island Region sa natalana nga budget hearing sa Senado.
Nakigsapol na sa pila ka provincial kag local officials sang Negros Island Region si Senador Miguel Zubiri agud mapatpat ang mga lugar nga tukuran sang mga regional offices.
Gani sa ginapaabot nga budget hearing sa senado, usisaon ni Zubiri pati ang pondo nga kinahanglan para sa NIR kasubong man ang pagtalana sang regional officer kag directors sang nagkalain-lain,nga departamento.
Si Zubiri ang principal author sang NIR Act nga naga-isa sang Negros Occidental kag Oriental lakip na ang probisya sang Siquijior sa isa ka rehiyon.
Si Zubiri nga naislan bilang Senate President ang nagapasalig nga magapabilin nga mangin solid sa gihapon ang katapo sang anay Independent 7 sang senado.
Ini bisan pa ginapaabot ang pagbiya ni Senador Juan Edgardo Sonny Angara nga magaserbe bilang bag-o nga Secretary sang Department of Education.