Senador Imee Marcos nagapati nga mangin maayo ang pagtukod sang Negros Island Region.
Ang hagna para sa NIR ang natalana na para sa second hearing sang Senado. Kun may solid north, nagapati si Senador Imee Marcos nga dapat mangin mapag-on man ang paghugpong sang Negrense pinaagi sa ginadihon nga pagtukod sang Negros Island Region.
Ang House Bill 7355 nga unanimously approved sang Kongreso ang iga-deliberate na sang Senate Committee on Local Government.
Siling sang senadora, iya pa ini pagatun-an. Nagapati siya nga mangin maayo ini nga idea para sa dugang nga infrastructure projects kag ilabi na para sa sugar industry.
Suno kay Senador JV Ejercito nga pamuno sang Senate Committee on Local Government, natalana ang ikaduha nga senate hearing angut sa NIR kag luyag nila mahibaluan ang tindog sang mga gobernador sang isla sang Negros.