Ginsiling ni Senador Imee Marcos nga sa pagkahibalo niya nga sa masunod nga mga inadlaw pirmahan na sang iya utod nga si Presidente Ferdinand Marcos, Jr., ang Negros Island Region Bill kag mangin isa na ka layi. Gin palab-ot man sa senadora nga may naga pamalabag sa NIR sa Negros Oriental sa pagpanguna sang Diocese sang Dumaguete. Suno sa iya, madugay na ang ini nga pagpamatok. Sang una pa lang nga gina duso may mga naga pamalabag na tubtob nga natigayon ini sadto.
Sang nag ligad lang nga semana sang nagpadulong sa Bacolod si Presidente Marcos kag siya man mismo nagsiling nga iya nga pirmahan ang NIR Bill.
Sa idalom sini, ang Negros Occidental, Negros Oriental kag Siquijor ang ibutang sa idalom sang isa ka rehiyon nga amo ang Negros Island Region.
Sa subong ang Negros Occidental ang kabahin sang Region 6. Ang Oriental kag Siquijor ang kabahin naman sang Region 7.