Ginkondenar ni Senator Risa Hontiveros ang shooting incident nga natabo kagab-i sa sulod sang Senate Building. Ginkabig man sini nga “new low” ang natabo.
Nakapauli na sila kag iban pa nga empleyado sang senado kay natapos na ang session sang matabo ang kinagamo sang kagab-i.
Ginahangkat man ni Hontiveros ang kaupod sini nga si Senator Bato Dela Rosa nga magsungka na sa lokal nga otoridad agud mahatagan sang nagakaigo nga tikang ang tensyon nga nagakatabo sa karun sa Senado.
Dugang pa niya, ang pagpamalabag sang senate leadership sa pag-aresto kay Dela Rosa ang gintunaan sang komosyon.
Ang gulpyada nga pag-ilis sang senate leadership ang unexpected suno sa senador. Apesar sini, nagapati man siya nga posible may kaangtanan ini sa paalaboton nga impeachment trial sang bise presidente.
Sini gid lamang nga hapon, pormal na nga ginbaton sang bag-o nga senate president Alan Peter Cayetano ang Articles of Impeachment batok kay Vice President Sara Duterte.
Wala pa sang schedule kon san-o masugod ang impeachment trial.
Dako nga pagpanghangkat sang senado sa karun ang pagbalik sang integridad sini kag salig sang publiko.
Ginaduso sang minority ang maid-id nga imbestigasyon sa natabo nga insidente kagab-i.
Si Hontiveros ang ari sa Bacolod City para sa 35th Visayas Area Business Conference nga ginpangunahan sang Philippine Chamber of Commerce and Industry (PCCI).*
[sibwp_form id=1]