Lauman nga may yara gid sang maga panabat kag ma preso angut sa ginapatuman karon nga pag pangusisa sa gina-alegar daku nga korapsyon sa flood projects sa pungsod.
Suno kay Senador Risa Hontiveros nga yara sa Bacolod City, nabataygan nila ang kaakig sang pumuluyo sa naga katabo.
Ginsiling man ni Hontiveros, nga nagsugod na si Senator Panfilo Ping Lacson nga pamuno sang Blue Ribbon Commitee sa pag-submit sang iya nga investigative result sa Department of Public Works and Highways kag naga sugod na ang case build – up kag pag file sang kaso sa mga na-identify nga responsable.
Dugang pa niya indi lamang mga contractors, mga opisyales kag empleyado sang DPWH nga may kahilabtanan kundi pati man mga mamalidha nga imbolbado ang maga panabat.
Nahangpan niya man ang pagduda sang iban kun bala may padulongan ang imbestigasyon.
Indi dapat madulaan sang paglaum suno sa iya.
Ginadayaw niya ang mga pumuluyo nga naga pamatuk sa korapsyon.
Ginadayaw niya man ang gina paabot nga aksyon protesta kontra korapsyon sa Bacolod.
Iya gina haylo ang pamatan-on nga mag upod sa away kontra korapsyon kag mag buylog sa anti-corruption rally.
Sa Domingo, Septyembre 21 anibersaryo sang maragtason nga deklarasyon sang martial law patigayunon ang nationwide nga Trillion Peso March: Mahiya Kayo! Ikulong na!