Nag hagan-hagan na karon nga adlaw ang seismic activity sang bulkan Kanlaon.
Ini suno kay Mari-Andylene Quintia, ang resident volcanologist sang Kanlaon Volcano Observatory nga nabase sa La Carlota City. Kun ipaangid sa na monitor kahapon suno kay Quintia, subong nga adlaw may na record pa man nga acivity sa bulkan pero nag lie low. Sa report sang Phivolcs kahapon may increased seismic activity sa bulkan. Suno kay Quintia may na monitor sila nga volcanic tectonic earthquake gikan sa west side sang bulkan kag ini ang may kaangtanan sa rock structuring events. Sa advisory kahapon may 24 ka volcanic-tectonic earthquakes ang na-record sa Kanlaon Volcano Network humalin 1:35 sang hapon tubtob 4:30 sang hapon
Suno kay Quintia subong padayon ang monitoring sa activity sang bulkan kag ini ang naga pabilin sa Alert Level 1.
“Mga gagmay man lang nga earthquakes actually ang amon nga na-record. Although medyo sunod-sunod ang earthquakes nga na-record kahapon that’s why may advisory. Kumbaga subong naglie-low naman siya”, suno kay Quintia.