Patay ang 57 anyos nga si Arnold Belocura, isa ka security guard matapos ini gin luthang kagab-i sa Barangay Zone 2 sa siyudad sang Cadiz.
Sandig sa imbestigasyon sang PNP, papuli na kun tani si Belocura sakay sa iya mountain bike sang mag baisay sila sang negosyante nga sakay sa SUV.
Didto nag gabot ang SUV driver nga si Mark Besa sang iya armas kag gin tiro si Belocura nga amo ang gintunaan sang iya kamatayon.
Arestado man si Besa sa hot pursuit operation. Nakuha sa iya anv isa ka 45 caliber pistol kag mga bala.
Isa sa karon gina lantaw ka PNP nga rason sang pag paniro amo ang away sa dalan.