Padayon ang awareness campaign sang PNP kag Militar sa mga eskwelahan kag pamatan-on batuk sa recruitment sang Communist Terrorist Group.
Suno kay Brigadier General Inocencio Pasaporte naghuyang naman gid ang pwerse sang CPP-NPA, pero sa gihapon sila ang naga tinguha indi lamang sa isla sang Negros kundi pati man sa iban nga probinsya nga mag patuman sang recruitment labi na sa mga eskwelahan.
Sa iban nga mga eskwelahan sagwa sang probinsya ginalantaw sang mga rebelde nga ang mga ma recruit nga estudyante maga serbe nga ila palaabuton nga mga cadre.
Samtang, ang kaso lamang nga pag patay sang punong barangay sa Calatrava nga si Benjamin Javoc sadtong Agosto 26 ang ginakabig sang militar nga insurgency related. Rason na lamang sang rebelde nga may kahilabtanan sa iligal nga droga ang punong barangay bangud wala ini naga ugyon sa ila.
Wala man gani si Javoc sa drugs watchlist sang PNP kag PDEA. Ang pagpatay sa punong barangay sa Isabela indi pa masiling nga insurgency related bangud madamo sang anggulo nga ginalantaw angut diri suno kay Pasaporte.