May 171 tanan ka mga accredited organizations ang ginapaabot magatambong sa natalana nga Sectoral Summit sang Bacolod LGU sa Bacolod City College Activity Center sa Biyernes.
Ginsiling ni Mayor Albee Benitez nga tuyo nila nga ma-validate ang katapo sang mga nagkalain-lain nga sectoral organizations nalakip diri fisherfolk kag farmer organization, transport kag iban pa nga grupo agud nga matukod ang mga tikang para mas mapahapos kag mapadasig ang pagpalab-ot sang programa nga ginatalana para sa ila.
Pinaagi sa ginaduso nga id system tuyo sang alkalde nga mapaiway na ang pagpalawig sang mga ginapatigayon nga government validation kag distribution process nga masami ginareklamo sang kadam-an nga mga miyembro.
Ginklaro ni Councilor Cindy Rojas, pamuno sang Committee on Labor, Management Relations and OFW sang konseho, nga mga accredited organizations lamang ang na-imbitar para magpadala sang ila mga tiglawas amo kun nga may mga grupo nga wala malakip sa natalana nga summit.