Personal nga nagbisita si Education Secretary Sonny Angara sa Bais City, Negros Oriental sini nga adlaw agud makit-an ang sitwasyon sang mga eskwelahan kag ang seguridad sang mga estudyante.
Ginsiling ni Angara nga matapos ang isa pa gid ka shooting incident sa isa ka eskwelahan sa Zamboanga City, ginmanduan na ang Department of Education nga hugoton ang seguridad sa guwa kag sulod sang public schools.
Lakip sa mga tikang amo ang pag istrikto sang mga nagasulod sa mga campus, kag ang pagbakal sang mga handheld nga metal detectors.
Dugang ni Angara, magahatag sang pondo ang national government para sa pagbakal sang mga metal detectors sa kutob sa mga LGU nga wala pa nakabakal.
Plano man nga mahatagan sang dugang nga mga CTTV kag security guard ang mga public schools sa pungsod.
Kinahanglan man nga may mga barangay tanod nga magabantay sa mga eskwelahan antes magsugod ang klase kag kun mag buhi agud masiguro nga safe ang mga estudyante suno kay Angara.
Ang mga maestra ang ginmanduan man nga maglibot sa sulod sang eskwelahan agud matapna na ang mga posible nga mga kalakasan.
Kabahin man sa mga gin-istoryahan sang Negros Oriental Provincial Government kag ni Angara amo ang pagpatukod sang dugang nga mga classrooms sa probinsya agud ma solusyonan ang kakulang.
[sibwp_form id=1]