Temporaryo anay nga nag untat sa ila nga search and retrieval operation ang Bureau of Fire Protection Cauayan angut sa na-missing nga babaye sang Miyerkules.
Suno kay Louie Lagulao ang pamuno sang Municipal Disaster Risk Reduction Management Office, ang BFP nga nag patigayon sang search and retrieval operation sa Guiljungan River ang temporaryo anay nga nag untat sang ila nga operation pero nagapadayon naman sa ila nga operation Philippine Coast Guard sa baybayon.
Suno kay Major Gary Allan Resuma, ang pamuno sang Cauayan PNP, nag upod man ang PNP kag iban nga mga rescue groups sa search and retrievel operation pero sila sa gihapon ang napaslawan.
Miyerkules pa sang ginreport sang punong barangay sang Guiljungan sa MDRRMO ang insidente nga natabo sa Sitio Payong.
Gintinguhaan nga kuhaon sang natungdan nga babaye ang na anod sini nga gamit suno kay Lagulao base sa ila nga inisyal nga impormasyon, pero siya mismo ang nadala kag na anod man.