Sa banwa sang Cauayan, ginpatigayon ang search ang retrieval operation kasunod sang gin-report na missing nga babaye matapos nga ma anod.
Suno kay Louie Lagulao ang pamuno sang Disaster Risk Reduction Management Cauayan, nakabaton ang ila nga talatapan sang tawag gikan sa Kagawad sang Barangay Guiljungan sang kagab-i para mabuligan ang ginasiling na-anod nga babaye sa suba.
Kagab-i mismo nag patigayon sang operation suno kay Lagulao, upod sa mga rescue units sang Bureau of Fire, Philippine Coast Guard kag Cauayan Mountain Tigers.
Pero napaslawan sila nga makit-an ang natungdan.
Nag-resume subong nga adlaw ang operation, upod na gani ang Pulis pero as of press time wala pa makit-an ang babaye.
Indi pa mapat-od ang lubos nga impormasyon, pero ang inisyal nila nga nabaton suno kay Lagulao amo nga may gamit nga na anod ang babaye kag iya nga gintinguhaan nga makuha ini kag siya ang na anod man.
Natabo ang insidente sakop sang Sitio Payong.