Wala nakaluwas sa katalagman ang principal nga nahulog gikan sa atop sang ila sini nga eskwelahan sa Moises Padilla. Siya ang nagtaliwan kaina sang aga.
Ginkumpirmar ni Moises Padilla Vice Mayor Ian Villaflor ang pagtaliwan ni principal 1, Reynaldo Mojares, las 10:25 kaina sang aga sa ospital sa Bacolod City.
Suno sa vice mayor, ang pamilya kag mga kaupod sa trabaho ni Mojares sa Guinpana-an Elementary School sa Moises Padilla ang naghatag sa iya sang impormasyon.
May mga post man sa facebook page ni Mojares sang ila nga kasubo sa iya nga pagtaliwan kag pagdumdom kasubong man pag pasalamat sa iya.
Domingo sang suno sa DepEd nagsaka sa atop sang eskwelahan si Mojares gamit sang hagdanan. Pag panaog sini bangud nga wala sang may naga kapyot sa hagdanan nagslide, rason nga nahulog siya kag naigo ang iya nga ulo.
Kabahin sang kuntani last minute preparation para sa pagbukas sang klase ang pag padulong ni Mojares sa eskwelahan sang Domingo. Natalana mag retire kuntani ang 60 anyos nga principal.