Sa Lunes, Oktubre 27 maga sugod na ang break sang mga estudyante sang pampubliko nga eskwelahan.
Suno kay Almyr Caezar Dequiña ang spokesperson sang Department of Education Negros Island Region ini ang maga sugod Oktubre 27 tubtob 30. Gindeklarar nga holiday ang Oktubre 31.
Gintawag ini bilang “wellness break” sang DepEd.
Tuyo sini nga mahatagan sang tion ang mga estudyante kag manunudlo nga maka pahuway kag maka recover gikan sa impact sa natabo sini lamang nga mga disaster.
Sakop diri ang mga estudyante sa pre-school, elementary tubtob sa highschool.
“We’re calling it a wellnes break na, since may na release kita nga recent nga memorandum from DepEd Central Office, wherein gin designate ni siya as wellness break both for teachers and sa aton nga mga students”, suno kay Dequiña.
Ang sa mga pribado nga eskwelahan yara na ini sa jurisdiction sang ila tagsa ka tagdumalahan suno kay Dequiña.
Maga balik ang klase sa pampubliko nga eskwelahan sa Nobyembre 3.
Ang wellness break naga modify man sang provision sang DepED memorandum angut sa mid-year nga in-service training para sa mga manunudlo.
Gina abiso ang pag-defer sini pagkatapos na sang break.