Ang Korte Suprema nag mando sa Solicitor General nga mag comment sa petition nga naga challenge sang Negros Island Region Act.
Isa sa mga gina talakay sang Supreme Court En Banc, sa special session sini sang Setyembre 9 amo ang petisyon nga gin-file sang anum ka mga pumuluyo gikan sa Negros Oriental kag Siquijor kun sa diin sila ang nag hinyo sang declaratory relief and prohibition, with application for Temporary Restraining Order and/or writ of preliminary injunction, sa pagdeklara bilang unconstitutional sang Republic Act No 12000.
Ini ang laye nga naga tuga sang Negros Island Region nga naga lakip sang probinsya sang Negros Occidental upod ang Bacolod City, Negros Oriental kag Siquijor.
Gin require sang korte ang respondents paagi sa Solicitor General nga mag file sang ila nga comment sa amo nga petition and prayer for TRO sa sulod sang napulo ka adlaw humalin sang pag baton sang notice.
Ini ang indi na pwede nga ma extend pa suno sa korte.
Damlag pa nanindugan na ang mga mamalidha nga ginsunod nila ang nagakaigo nga proseso sa pag pasar sang NIR.
Kabahin man ini sang kinamatarung sang mga petitioner suno sa ila kag yara na sa korte ang pag desisyon.