Shadow

SB member sang Moises Padilla ginpapanaugan sang warrant of arrest sa kaso nga rape

Sangguniang Bayan member sa banwa sang Moises Padilla ang wanted sa kaso nga rape.

Ginserbe kahapon sang katapo sang Moises Padilla PNP ang warrant of arrest sa kaso nga rape batuk kay SB Fred Villaflor bangcaya pero wala siya sa ila puluy-an.

On leave man ang akusado humalin pa sang Oktubre 25.

Nag-gwa nga isa ka dise otso anyos nga grade eleven student ang nagreklamo sa pulis nga sang bulan sang mayo matapos gin alegar nga makapila ka beses man nga ginhimuslan sang opisyal humalin sang Enero kag Abril 2021.

Gani sang mag-gwa na ang warrant of arrest gikan sa Regional Trial Court sang Guihulngan, Negros Oriental sang nagligad nga inadlaw gilayon man ini nga ginserbe sang kapulisan batuk sa SB member.

Non-bailable ang kaso nga ginpasaka batuk sa iya.

Si SB Bangcaya ang wala naman makatambong pa sa sesyon sang konseho sang munisipyo.

Nagalaum si Police Major Randy Babor, hepe sang Moises Padilla PNP nga magsungka na ang akusado.

Gintinghuaan sang Digicast Negros nga ma lab-ot ang SB member pero indi siya ma contact.

Leave a Reply

Your email address will not be published. Required fields are marked *

Secured By miniOrangeSecured By miniOrange