Nagsugod na ang pagpatigayon sang satellite registration sa mga banwa kag siudad sang Negros Occidental.
Ang Comelec Negros Occidental ang nag pa gwa na sang schedule sa nagkalain lain nga mga satellite registration sa mga banwa kag siudad.
Suno kay Atty Fatima Aspan, ang activing provincial Comelec supervisor, isa sa mga requirement para maka patigayon sang satellite registration amo ang certification
Gikan sa City ukon Municipal Health Office ukon local IATF nga nangin Covid free ang natungdan nga lugar sa nagligad nga 14 ka adlaw antes sang petsa sang pagpatigayon sang amo nga satellite registration.
Sa Bacolod naman, as of press time, gina pat-od pa sang Comelec Bacolod ang mga barangay nga may zero Covid cases kag ini ang iga certify pa sang Bacolod EOC.
Suno kay aspan amat amat na ang pag damo sang mga naga pa rehistro.
Sa Hulyo natalana ang election registration board hearing para sa mga nag apply sang voter’s registration sang Abril tubtob hunyo kag sa oktubre naman ang para sa mga nag apply humalin hulyo tubtob Setyembre.