Sa Bacolod, Kabankalan kag Esclante City patigayunon bwas ang tagtaganay sang ayuda sa mga sari-sari store owners nga nag sunod sa price ceiling nga gina patuman sa pagbaligya sang regular kag well milled nga bugas.
Suno sa kay Reginald Hudierez, ang Negros Consumer head sang Department of Trade and Industry, 335 tanan ka mga sari-sari store owners ang maga baton sang tag 15,000 pesos nga ayuda.
Para indi mabudlay para sa mga benepisyaryo gin tunga sa tatlo ka mga lugar ang tagtaganay, sa Northern, Central kag Southern Negros. Nalakip na sa 335 ang 42 sa Bacolod City.
Ini ang ikatatlo na nga batch sang tagtaganay sang ayuda sa mga rice retailers nga nagsunod sa Executive Order ni Presidente Ferdinand Marcos, Jr., nga nagapatuman sang 41 pesos nga price cap sa kada kilo sang regular milled rice kag 45 pesos naman sa well-milled rice.