Banwa sang San Enrique ang nag deklara sang State of Calamity bangud sang halit nga dala sang habagat nga ginpabaskog ni Bagyo Egay.
Suno kay Mayor Jilson Tubillara sang nagligad pa sila nga semana nag deklara sang State of Calamity.
Sila ang gin-igo sang flashflood, ang mga coastal barangay naman gin-igo sang mabaskog nga hangin.
Paathag ni Tubillara ang tubig baha gikan sa La Carlota, Murcia, Bago sa ila nagdaludo.
Sa record sang Provincial Social Welfare and Development Office 5,579 ka mga pamilya ang gin report apektado, 16 ka mga balay ang totally destroyed sa banwa kag 426 naman ang partially damaged.
Sila ang pinaka damo nga gin report apektuhan kasubong man nagub-an sang balay.
Sa inisyal nga report indi magnubo sa 10 milyones pesos ang kahalitan.
Samtang, 20 tanan ka mga banwa kag siudad sa Negros Occidental ang na apektuhan sang habagat. 60 ang totally destroyed nga balay sa probinsya kag 1,585 ang partially damaged.
46.7 million pesos naman ang kahalitan sa pananom, fisheries kag livestock.
“For the last several years, wala na matabo sa amon. But this year gin flashflood kami. Although, kadali man lang kay we have prepared our rivers para nga madasig mag gwa ang tubig. Wala man gani siya kaabot one day, nag gwa man ang tubig. Pero te gulpi nang nagbaha sa mga balay. Long time ago wala na na nagbaha”, suno kay Tubillara.