Ginakasubo ni Bishop Gerardo Alminaza sang Diocese of San Carlos ang pagdakop kay Fr. Conrado Mantac bangud sa kaso nga rape sa isa ka menor de edad sa Barangay Paraiso sa siudad sang Sagay.
Sa statement sang Obispo, ginpanindugan sini ang ila adbokasiya nga pagpamatok sa ano man nga sahi sang pagpang-abuso sa mga kabataan, kababainhan pati na sa vulnerable sector kag ang sin-o man nga maga himo sini, ilabi na ang mga kaparian kag katapo sang simbahan ang wala gina tolerar.
Ginpasiguro ni Bishop Alminaza nga mangin bug-os ang ila kooperasyon sa mga otoridad kag handa nga ihatag ang anuman nga kinahanglanon nga impormasyon.
Si Mantac, nga mas kilala bilang si Father Con, ang gindakop sa isa ka subdivision sa Barangay Estefania sa Bacolod City Lunes sang gab-i, bangud sang gin-alegar paghimulos sini sa isa ka menor de edad nga katapo sang choir sa simbahan.