Nagdangat sa masobra 2.4 million pesos ang sales gikan sa lima ka adlaw nga Negros Island Organic Farmers Festival kag 2nd Terra Madre Visayas.
Suno kay Dina Genzola ang OIC-Provincial Agriculturist as of press time padayon pa ang ila nga consolidation sang total sales gani gina paabot nga maga saka pa ang gin-report nga 2,422,331 pesos nga sales.
Nag record naman ang Cadiz City nga booth sang pinaka mataas nga sales – 231, 130 pesos. Naga sunod naman ang Sagay City nga booth nga may 186,428 pesos kag Manapla booth nga may 100,370 pesos nga sales.
Suno kay Genzola indi man maglayo ang sales subong nga tuig kun ipaanggid sa sales sang nagligad nga tuig.
Nagsugod Nobyembre 19 tubtob 23 ang Negros Island Organic Farmers Festival kag Terra Madre Visayas.