Nagdangat sa 23.6 million pesos ang final sales sa Panaad sa Negros Festival.
May pinaka mataas nga sales ang mga LGU pavilions nga may 16 million peso sales, naga sunod naman ang mga kiosks nga may 5 million peso sales kag ang trade fair.
Tuman nga nagapasalamat ang gobernador sa tanan nga komitiba nga nagbuylog para mangin madinalag-on ang liwat nga pagbalik sang Panaad sa Negros Festival.
Sa Pasalamat Festival sang La Carlota City kun sa diin dinapit nga bisita si Vice President Sara Duterte, suno kay Lacson wala man nakatambong sa sini nga Panaad ang bise presidente ginsiling sini nga magatambong na siya sa madason nga tuig.
Samtang, may mga feedback man nga tuman ka mahal sang mga kalan-an sa Panaad sa Negros Festival.
Suno sa gobernador indi naman ini bag-o pa bangud kada Panaad may kasubong nga mga feedback.
May pagsaka sa inflation rate, rason nga may pagmahal, ika duha nasarangan man sang mga bumalakal, amo gani nga may saka sa sales suno sa gobernador.
May pagbuot man sa bahin sang mga customer ang pag gasto.
Sa pihak nga bahin, ang sadto anay plano nga buksan ang Panaad sa weekends ang dapat anay nga talakayon sa mga mayor sang kada banwa kag siudad labi na nga magasto man ang ini nga hilikuton suno kay Lacson.