Gobernador Eugenio Jose Lacson ang naga haylo sa publiko nga suportahan ang mga organic farmers nga sa karon padayon nga naga baligya sa North Capitol Road angut sa gina saulog nga Negros Island Organic Farmers Festival.
430,000 pesos ang sales gikan sa mga booth sa una nga adlaw sini.
Tubtob pa sa Nobyembre 19 ang pagbaligya sang mga organic farmers gikan sa nagkalainlain nga lugar sa isla kag kaiping nga mga probinsya.
Suno kay Lacson, ang pagbakal sang produkto sang sini nga mga organic farmers ang pinaka maayo nga pamaagi para sila ang ma suportahan.
Dugang pa ni Lacson, mas barato ang presyo sang mga utan, prutas, kararuton, kag iban pa gid nga organic produce nga gina baligya sa sini nga mga booth.
Gina pasalamatan sang gobernador ang pag-upod sang Negros Oriental diri.