Nagdangat sa masobra 900,000 pesos ang nangin sales sang mga organic farmers sa gin sakdag nga apat ka adlaw nga Negros Island Organic Farmers Festival.
Sa report sang Office of the Provincial Agriculturist, 920,520.75 ang kabilugan nga sales para sa November 23 tubtob 26 nga Organic Festival.
Suno kay Edmundo Raul, maayo na ang amo nga kita bilang panugod.
Humalin sa organic nga utan, prutas kag kararuton, pagkaon, padulong sa traditional nga mga bulong, mga tanom bisan pa farm inputs ang nakasalida kag sarang nga mabakal sa organic festival nga ginpatigayon sadto sa capitol grounds.
Damlag pa gin abi-abi sang mga organic farmers ang amo nga hilikuton bilang isa ka higyaon suno sa ila nga mapabakod ang ila nga networking sa paglaum nga ini ang maka bulig sa ila bangon matapos mag igo ang pandemic.