Shadow

Salamat sa good vibes, Pali!

Sa entrance sang Hua Kong sa Capitol Shopping Center, may litrato ni Pali nga nabutang bilang pagdumdom sa iya.

Hwebes, aton nakilala si Pali, short for Palito. Ang guard dog sang Hua Kong nga may uniform kag ID pa.
Kadamo sang natandog sang istorya ni pali nga gikan sa laya nga ido, naka kita sang panibag-o nga pamilya.

Isa ka adlaw matapos mag trending, naipit si Pali. Na hit and run siya sa gwa sang store. suno sa kay ching yap-canada, ang nag sapupo sa iya, gikan siya sa tabok para matamwa sa iya abyan man nga ido.
Pabalik na siya sang hinali na lang maipit.

Nag kinaran karan ang tanan sang makita nga naipit siya. si Pali naka hingagaw pa mag dalagan malapit sa puertahan sang hua kong antes napatay.

Naghalad sila sang bulak kag nag sindi sang kandila sa lugar kun sa diin nabugtuan sang ginhawa si Pali.

Matapos makita nga nag trending si Pali may mga nagkadto pa sa hua kong para magpa picture sa kay Pali. May mga nag kadto pa sa store kag nag pangita sa iya.

Para sa buddy ni Pali nga Nievic Vibal, naglinong kag masubo na ang iya nga pag bantay sa store ilabi na kun gab-i kay wala na siya sang kaupod.

Wala na kuno may naga sunod sunod sa iya kun mag roving siya. wala naman may naga sugat sa iya sa pag abot niya.

Sa karon gina tamwa tamwa na lang anay ni nievic ang isa pa gid ka ido nga buddy man ni Pali nga yara sa tabok nila. Na rescue man siya sang utod ni Ching nga si Frankie Ting, ang nag rescue kag nag sapupo man kay Pali.

Leave a Reply

Your email address will not be published. Required fields are marked *

Secured By miniOrangeSecured By miniOrange