Ginklaro sang Bacolod City Police Station 2 nga wala ginkawat ang apat ka mga goma sang Toyota Fortuner, nga naka-park sa dalan San Juan, malapit sa isa ka mall kag condominium sa Barangay 8, syudad sang Bacolod.
Ginsiling ni Police Major Eugene Tolentino, hepe sang Station 2 nga ang tag-iya mismo sang salakyan ang nagpakakas sang mga goma agud indi na ini magamit.
Nahibaluan nga wala makabayad ang nag-renta kag wala man niya gin-uli ang salakyan pati na ang yabe sini. Nagdangat sa P37,500 ang wala mabayaran sang nag-renta.
Paagi sa GPS, na-locate sang tag-iya ang salakyan.
Ginpakamaayo sang tag-iya nga kakson na lamang ang mga goma sang salakyan kag temporaryo nga butangan sang jack stand agud indi magamit.
