Nagbaliskad ang ini nga awto nga halin pa sa Barangay Canlandog sa banwa sang Murcia kag padulong kuntani sa Teresita Lopez Jalandoni Provincial Hospital sa Silay City.
Mga las otso beinte Domingo sang gab-i sang nabunggo ini sa gina semento nga parte para butangan sang poste sa tunga sang Bacolod-Negros Occidental Economic Highway sa Purok Manayawsayaw sa Barangay Mansilingan sa Bacolod.
Apat ka persona ang sakay sa awto lakip na ang drayber.
Sa inisyal nga imbestigasyon sang Police Station 7, gin istorya sang driver nga nag overtake siya sa isa ka motor kag nabunggo sa semento.
Dugang pa sang PNP, wala man sang may napilasan sa apat ka pasahero pero gindala sila sa ospital.