Ginpahayag ni Bacolod Mayor Greg Gasataya nga ang pagpalapta sang sala nga impormasyon maga tuga lang sang kakulba kag kabalaka.
Iya gina tumod ang gin re-upload nga mga daan nga video sang tuman kataas nga baha sa Bacolod, nga gin palapta sa social media nga daw amo ini ang aktual nga kahimtangan sang siudad sang Biyernes.
Dugang pa niya nga daku ang negatibo nga epekto sini ilabi na sa mga pumuluyo nga may himata ukon paryente sa Bacolod nga nagapanic bangud sa ila nakita online.
Ginpaathag man sang alkalde nga wala siya nagakontra sa pag-post sang mga video ukon litrato sang baha, basta ini ang matuod nga nagakatabo sa amo man nga tion, agud makabulig ini sa mas madasig nga pagresponde sang LGU.
Apang ginpahayag niya nga kun ang ginapalapta nga content ginahimo lamang agud manginto, mangin instrumento sang pamulitika, mangin pangguba ukon para sa personal nga benepisyo, indi ini pagatugutan sang lokal nga panguluhan.*
[sibwp_form id=1]