Patay ang isa ka sakada nga taga-Antique matapos matiruhan sang utod sang iya live-in partner sa Hacienda Maruja, Barangay 9 sa banwa sang Isabela, Negros Occidental, Domingo sang kaagahon.
Nakaangkon sang igo sang bala sa iya dughan ang 40-anyos nga si alyas “Jason”.
Ginsiling ni Police Major Joseph Partidas, hepe sang Isabela PNP, indi pag-intyendihanay ang motibo sang insidente.
Updanay nga nag-inom-inom si alyas “Jason” kag ang suspek nga ginkilala kay alyas “Edwin”, 47-anyos, nga isa man ka sakada.
Suno kay Partidas, gintudlu-an ni alyas “Edwin” si alyas “Jason” sang self-defense, apang nagpamalibad ang biktima kag nag-siling nga himuon na lang nila ini kung indi na siya hubog.
Naglalisay ang duha kag nag-agaway sang sundang, rason nga napilasan si “Edwin” sa kamot.
Nagpauli ang suspek, nagkuha sang pusil, ginbatayan kag gintiro ang biktima.
Utod sang suspek ang live-in partner sang biktima.
“Naistorya naton ang family ato sa Antique kag diri. Gina-encourage gid ya namon nga pasakaan reklamo kay sa amon sa PNP, hustisya ang gusto man namon kag wala sang mahambal. But then ang family, ang ila ayo sa Antique is buligan lang anay nga maplastar ang bangkay sang ila utod”, suno kay Partidas.
[sibwp_form id=1]