Gin anunsyo sang Department of Energy nga base sa apat ka adlaw nga trading may ginapaabot nga saka sa bili sang produkto petrolyo sa madason nga semana.
Piso kag singkwenta sentimos ang ginapaabot nga saka sa kada litro sang gasolina.
Sa diesel, gina bulubanta yara sa piso ang saka sa kada litro kag otsenta sentimos naman sa kerosene.
Balantayan pa sa announcement sang petroleum companies kun bala ipatuman ini sa Negros Occidental bangud napaidalom ang probinsya sa state of calamity.
Damlag pa ginsiling sang Department of Energy nga dapat wala sang movement sa presyo sang petroleum products sa mga probinsya nga napaidalom sa state of calamity.
Samtang gin anunsyo naman sang Petron nga may duha ka pesos kag singkwenta sentimos naman nga rollback sa kada kilo sang LPG nila sumugod subong nga una nga adlaw sang Agosto.
Ini ang base naman sa international contract price sang LPG para sa bulan sang Agosto.
