Sagay City ang indi na mag require sang negative RT-PCR test para sa mga luyag magkadto sa ila nga siudad pero ila nga turismo wala pa nagbukas sa publiko.
Ginsunod naman sang Sagay City ang kinaundan sang uniform travel protocol sang Inter-Agency Task Force Resolution number 101.
Sa executive order ni Mayor Alfredo Marañon III, sa mga nga gikan sa rehiyon sais, indi na kinahanglan ang negative result sang RT PCR test.
Pero ang mga gikan sa iban nga rehiyon ang kinahanglan nga may S-Pass permit, StaySafe application kag negative result sang RT-PCR test.
Paathag ni Atty. Ryan Bonghanoy, ang action officer sang Inter agency task force sang sagay, indi pa bukas ang ila nga turismo. Natalana pa sila nga mag sinapul para maistoryahan kaupod ang tanan nga sector nga estrikto nga ipatuman sang mga establisimento ang minimum health protocol.
Nagapadayon man ang ila nga monitoring kag pag paathag sa mga residente tuhoy sa COVID-19 ilabi na karon nga liwat na naman nga naga damo ang covid positive sa probinsya.
Sang kahapon nag abot na sa Alfredo D. Marañon Sr. District Hospital ang 310 ka dose sang Sinovac vaccines. Suno kay Mayor Marañon, ang national government ang maga pondo para sa bakuna sang stenta porshento sang ila nga populasyon kag ang treinta porshento naman abagahon sang lokal nga panguluhan.