Ginpangunahan sang Sagay City ang rare lobster prawning project sa isla sang Negros ukon pagpadamo sang rare nga klase sang lobster sa Sagay Marine Reserve.
Ang Sagay City Environment and Natural Resources Office ang nagpanguna sa pagpadamo sang duha ka mga rare species sang lobster nga Tiger Lobster kag Live Bamboo Lobster para mapun-an ang mga gina harvest sa baybayon. Ini sila ang i-breed sa underwater cages sa Sagay Marine Reserve.
Suno kay SCENRO Head Mayo Antonio Cueva pinaagi sini, ginapakita ang padayon nga pagpangita sang pamaagi sang LGU sang Sagay para sa environmental sustainability samtang ginabuligan man ang local economy pinaagi sa pagpadamo sang lobsters sa ila nga marine reserve.
Nasuguran na ang pagbutang sang lobsters sa mga open type cages nga gina palugdang sa dagat para mapadamo sila samtang yara sa ila nga natural habitat.
Suno pa kay Cueva, gina obserbahan sang LGU ang survival rate sang mga lobster eggs kag gina lauman nga mangin madinalag-on ang proyekto.
Dugang pa niya, sa kada 50,000 ka mga itlog sang lobster sa post-larval stage, 2 lang ka mga lobster ang naga survive sa legal size.