Ginpalapakan sa pison ang 155 tanan ka mga open pipe ukon magahod nga tambutso sang motorsiklo sa banwa sang Murcia, kahapon sang aga.
Suno kay Police Captain Mark Joel Reclamado, hepe sang Murcia PNP, nga ang mga tambutso nakumpiskar sa sulod sang tatlo ka bulan nga operasyon sang kapulisan batok diri.
Dugang pa niya, ang mga ginkumpiskar nga mga tambutso ang indi lamang iya sang mga Murciahanon nga naga-motor kundi gikan ini sa tanan nga nagalabay sa banwa nga ang tambutso sang motorsiklo ang tuman ka gahod kag perwisyo sa pomuluyo.
Nagpahanumdom si Reclamado sa mga motorcycle owners nga kon mahimo indi na pag ilisan ang tambutso sang magahod kag sa baylo ang normal na lang nga tambutso ang gamiton.
Ginlangunahan ni Mayor Gerry Rojas ang pagpalasak sa pison sang mga tambutso sa atubang sang mumisipyo.
Indi ini ang nahauna nga ti-un nga may amo sini nga aktibidad sa banwa.