Bacolod LGU ginlunsar ang E-Kiosk System para sa pagproseso sang Building kag Occupancy Permits gamit na ang machine.
Sa machine na maga proseso sang dokumento para likaw sa fixer.
Suno kay Philippe Andrew Soliguen, nga in-charge sang e-kiosk machine, ang sistema magahatag sang mas hapos nga proseso kag maka likaw sa fixer bangud indi na sa tawo ang processing kundi sa machine na.
Ang proseso, antes makakuha sang QR code sa ila opisina, kinahanglan anay nga magsumite sang online application pinaagi sa portal nga makita sa Facebook page sang OBO Bacolod.
Pagkatapos, kinahanglan mag-log in ang aplikante sa ila account antes magkadtu sa e-kiosk machine, kon sa diin pwede na ma-generate ang QR code kag claim slip number.
Ang mga dokumento nga may QR code kag claim slip ang ipahulog sa ginhatag nga drop box.
Pwede ma track sang applicant online ang lakat sang iya nga dokumento.
Tuyo sini nga wala na sang face-to-face nga transaction para mapahapos ang tanan sa mga applicants.
Gindugang pa ni Soliguen nga sa masunod nga Lunes, opisyal na nga magagamit sang publiko ang nasambit nga sistema nga user friendly.
[sibwp_form id=1]