Pasulod pa lang sa Kabankalan City, makita na ang halit nga dala sang bagyo nga Odette sa siudad.
Ang signage sang sini nga gas station natumba. Ang signage sang kilala nga fastfood nagkala kakas. Amo man ang ang signage sang sini nga pawnshop. Ang commercial establishments palibot sa plaza nabulit sang lunang.
Sa isa ka grocery store, ginapa uba sang tsinelas ang mga naga sulod nga customer kay wala na sila sang tubig nga tinlo sa ila nga salog. Wala sang supply sang tubig kag kuryente sa siudad.
Ang plaza, mga 2 inches ang kadalumon sang lunang. May mga dalagyo nga puno sang acacia nga nagkala tumba.
Ang mga empleyado sang sini nga gas station masako sa pagkakas sang mga lunang sa ila gasolinahan.
Ang mga baligyaan sa palibot sang merkado ang natabm-an.
Ang ini nga baligyaan, nataasan na pero taga hawak ang tubig baha.
Ang mga sales lady naga padayon na sa pagbaligya samtang naga paninlo sa gihapon sang ila nga baligyaan.
Ang mga baligya nga na display basa sa baha. Pati na ang mga flat screen TV.
Ang ini nga mag asawa taga Ilog pa, nag bakal sila sang solar panel kay wala man sang kuryente sa ila nga lugar.
Halos tanan nga baligyaan wala maka luwas. Pati ang mga bulong sa sini nga drug store nagkala basa. Indi na mapuslan.
Ang ini nga atop mga singkwenta metros ang gin lupad halin sa building nga gina angutan sini.
Katupad sang sini nga building ang balay ni Dodo Arimas. Parehos sa iya kataas ang tubig baha sang biyernes sang kaagahon. 1984 pa diri siya naga istar, amo pa lang sini ang pinaka lala nga pagka baha nga natabo sa ila. Indi man maka bukas ang ila karinderya nga puno pa sang lunang. Wala man sila sang tubig nga itinlo.
Sa tabok sang city hall may nanod pa nga truck sa baha. Sa unhan sini may duha pa gid ka mga salakyan nga bna anod man sa baha pakadto sa sini nga kampo.