Magasawa nakuhaan sang masobra 100 mil pesos matapos gin holdup sa Kabankalan, gina ubra nga balay sa Talisay ginkawatan.
Padayon nga gina kilala sang kabankalan pnp ang apat ka mga suspetsado nga nag holdup sa magasawa sa sulod sang ila sini balay sa Barangay Hilamonan sa Kabankalan City.
Sa imbestigasyon sang PNP, yara lang sa sulod sang ila balay ang mag asawa sang mag abot ang mga suspek kag sila ang gin tayaan sang armas.
Nakuha sa ila ang 95 mil pesos nga cash kag kagamitan nga nagabalor sa masobra 30 mil pesos.
Samtang, naaresto nama kahapon ang 41 anyos nga si Ronaldo Nniango matapos ini maaktuhan nga nag gwa dala ang iya mga gin kawat sa gina construct nga balay sa Fountain Grove Subdivision sa Talisay City.
Sa imbestigasyon sang Talisay PNP, naaktuhan sang gwardiya ang pag gwa sang suspek kag ila ini gin lagas.
Kabahin sa iya gin kawat amo ang masobra 10 mil pesos nga balor sang kagamitan kag isa ka bike.
Detained naman sa karon ang suspek.