Sabado na sang hapon naga idas sang mga container sang ilimnon nga tubig sa highway sang Ilog.
Wala ang supply sang tubig kag kuryente sa banwa. Naga hulat sila rasyon sang tubig gikan sa Bureau of Fire Protection. Ang mga kable sang kuryente nga nagkala tumba, nag serbe nga halayan sang mga basa nga mga bayo sang mga pumuluyo.
Ang ini nga panel van, naga salom sa tubig baha.
Sang amo man nga hapon tigayon nga masudlan sang salakyan ang Barangay Bocana sa Ilog. Pero indi tanan nga klase sang salakyan maka sulod. May mga motor kag tricycle nga nagaka patyan samtang naga biyahe. Mga isa ka kiloemtro sang dalan, gina baha sa gihapon.
May tubig baha pa sa pila ka mga pamalay. Ang mga popular nga mga talabahan sa Bocana wala maka luwas. Isa diri ang talabahan ni Jonah Faustorilla. Wasak ang bilog nga kalan-an. Gani temporaryo sila nga nag puyo sang iya nga pamilya sa higad sang karsada. Sa sini nga mga folding bed kag tent sila naga tulog.
Sa town proper, may tubig baha sa gihapon sa gwa sang Ilog National High School sang Sabado sang hapon.
Si Ivan nag ubog na lang sa baha para magkuha sang mga pagkabutang sang iya nga utod nga nag bata.
May mga naga pabilin sa gihapon sa sulod sang gym sang banwa nga nag serbe man nga evacuation center.
Dako ang halit sa mga punong. Kalabanan sa mga dalagko nga punong sa ilog, nag awas.
Ang ini nga tubig kun sa diin naga reflect ang sunset tubig sa punong nga nag awas.
Pasaka sa banwa sang Cauayan…may mga balay nga nawad-an snag atop ukon nagub-an sang balay tuga sang mga nagaka tumba man nga puno sang kahoy kag sang mga poste.
Domingo sang hapon, may mga posryon sang dalan nga oneway lang anay bangud sang natumba nga puno ukon poste.
Ang popular nga parola sang banwa nahalitan man sang bagyo.