Pagsampot mo malatay ka sa mga kawayan nga padulong sa kalan-an, sa kilid kabakhawan. May mga bamboo cottages kag may second floor pa para mas matahum ang view. Sa kilid ang mga balay gin pang pintahan para matahum lantawon. May mga bangka nga naplastar sa higad.
May mga floating bangka man nga daw tiangge. Pwede ka maka bakal sang talaba, ang sikat nga blue crabs sang EB Magalona kag bisan prutas may ara man. Ini ang Island Madalag Eco Haven.
Sa top view daw isla ang shape sang lugar nga himo sa cauayan.
Istorya ni Mayor Marvin Malacon, nagaka labyan niya lang sang una ang lugar kun mag bike siya kag napensaran niya nga pahimuan sang proyekto kun sa diin maka ganar ang mga pumuluyo kag maka hatag pa sang dugang nga trabaho.
Sutukil ang specialty sang kalan-an. Sugba, tula, kinilaw kasag kag talaba!
Kag siyempre indi madula ang iban pa nga seafood parehos sang mga isda pasayan kag iban pa!
Suno kay Jojo Vargas, ang environment and natural resources officer sang banwa, ini ang resulta na sang ila wala untat nga pag pananum sang bakhaw. Karon, na enjoy na nila ang kadamuon produkto gikan sa baybayon.
Ang kalabanan sa staff sang kalan-an mga pumuluyo mismo sang madalaga, iban sa ila gikan sa mga dalagko nga resort kag hotel.
Suno pa kay Mayor Malacon gina lantaw niya na nga ang isla madalagan ang mangin isa na ka tourist destination sa Third District.
May partnership ang banwa kag ang barangay sa pagpadalagan sini.
Pangabay lang sang alaklde nga mapabilin ang katinlo kag kalinong sa lugar.
Kag karon nga isa ang EB Magalona sa mga napaidalom sa alert level 1, plano sang banwa nga ibalik ang Seafood Festival sa bulan sang Disyembre.
Kag maga butang man ang banwa sang pwesto sa Bacolod City kun sa diin pwede makabakal ang mga bacolodnon sang ila nga mga produkto.