Konseho sang siudad gin-aprobahan ang ginhinyo ni Mayor Albee Benitez nga authority to give conformity sa letter offer sang Development Bank of the Philippines angut sa P5.5B proposed loan agreement.
Ini matapos ma-desisyunan ang final nga pagpili sa DBP para sa loan agreement sang siudad.
Suno kay Councilor Thaddy Sayson, pamuno sang Committee on Finance sang konseho, makapila man ka beses nga nag-counter-offer ang DBP kag ang Landbank of the Philippines para sa loan agreement.
Ugaling mas napili sang siudad ang DBP bangud mas manubo ang 3.55 annual interest rate nga gin-offer sini para sa proposed loan agreement.
Gindihon ang loan agreement agud nga makabakal sang duta para sa patyo kag dugang nga housing project pinaagi sa landbanking program.
Gamiton man ang pondo para sa pagtukod sang legislative building, computerization projects, waterworks kag port development kag iban pa nga infrastructure projects sang siudad.