Amat amat na nga nagakahubsan sang supply manok sa Burgos Public Market.
Nagalab-ot naman sa P200 tubtob P220 pesos ang kilo sang whole dressed chicken sa merkado.
Nagsaka ini sang biente tubtob trenta pesos ang kilo kun ikumparar sang nagligad nga semana.
Suno sa mga manugbaligya, kadungan sang pagsaka sang demand sa poultry products karon nga nagahilapit ang pagsug-alaw sang bag-ong tuig
Ang delay sa pag abot sang supply epekto sang Bagyo Odette.
Nagsaka man sa kwarenta pesos kada kilo ang presyo sang baboy nga karon yara sa P260 ang kilo.
Ang kilo sang karne sang baka, may kapin sa sisenta pesos man ang ginsaka nga karon tag P320 pesos ang kilo.
Bangud ginapaabot na nga sa madasun nga semana magasaka pa ang presyo sang manok, baboy kag karne, may pila na ka mga bumalakal ang temprano pa nga nangumpra para pang media noche .
Nagsapol na sang nagligad nga semana ang katapo sang City Price Monitoring Council agud mabantayan ang kaso sang overpricing sa mga kasubong nga produkto dungan sa pagpatuman sang price freeze sa idalom sang pagdeklarar sang state of calamity sa pila ka mga lugar sa pungsod, nalakip na diri ang Western Visayas.